“Нүүдэлчин” дэлхийн соёлын фестиваль гурав дахь өдрөө өнөөдөр үргэлжилж байна. Өнөөдөр үндэсний спортын отгон төрөл болох адуучин тэмцээнд 19 аймаг, есөн дүүргийн нийт 35 тамирчин оролцож эхэллээ. Энэ жилийн тэмцээний хамгийн ахмад нь (50 настай),  Багануур дүүргийн адуучин Энхтөр байна. Адуучид уурга, ташуур шүүрэх, эмнэг булигуулах, морьтой уургалах, явган бугуйлдах гэсэн дөрвөн төрлөөр өрсөлдөж байгаа  юм.

     Өнгөрсөн жилийн тус тэмцээнд Багануур дүүргийн адуучин Б.Бямбасүрэн түрүүлж байсан бол энэ жилийн тэмцээнд улсын аварга цолтой гурав, аймгийн аварга цолтой арав орчим адуучин өрсөлдөж байна. Монголын адуучдын холбоо энэ жилээс чансаа олгох тэмцээн, өсвөр үеийнхний УАШТ-ийг анхлан зохион байгуулсан бол удахгүй ахмадын УАШТ-ийг зохион байгуулах юм.  Адуучин тэмцээн “Нүүдэлчин дэлхийн соёлын фестиваль”-д дөрөв дэх удаагаа багтаж байгаа ба адуучин тэмцээнийг 2013 оноос анхлан зохион байгуулж, 21 аймгийн 220 гаруй суманд үйл ажиллагаагаа явуулж байна.