“Монголын боксын академи”-ийн нэрэмжит “Баянгол 60” ойн хүрээнд зохион байгуулагдсан бага нас, өсвөр үеийн боксчдын олон улсын тэмцээн боллоо. Тус тэмцээн 2025 оны наймдугаар сарын 12-17-ны өдрүүдэд Налайх дүүргийн “Тэрэлж, Баянгол” зусланд амжилттай зохион байгуулагдав.

    Энэ удаагийн тэмцээнд Батлан хамгаалах яамны харьяа цэргийн гавъяаны улаан тугийн одонт “Алдар” спорт хорооны өсвөрийн долоон тамирчин Улаанбаатар хотын шигшээ багт багтаж амжилттай тулалдсан байна. “Алдар”-ын боксчид хоёр алт, нэг мөнгө, нэг хүрэл медаль хүртжээ.

Медаль хүртсэн тамирчид:

Охидын:

46 кг-д Г.Маралмаа алтан медаль.

Хөвгүүдийн:

58 кг-д Б.Тэмүүжин алтан медаль.

46 кг-д Ө.Сүлд  мөнгөн медаль.

+61кг-д Б.Түвшинбаяр хүрэл медаль тус тус хүртсэн байна.