Монголын гимнастикийн холбоо Азийн гимнастикийн холбоотой хамтран “Паркоур гимнастикийн Ази тивийн олон улсын дасгалжуулагчийн сургалт”-ыг зохион байгуулж байгаа билээ. Уг сургалтын экспертээр Өмнөд Солонгосын иргэн, Азийн гимнастикийн холбооны техникийн хорооны дэд ерөнхийлөгч Ким Жихо ажиллаж байгаа юм.

     Түүнийг МҮОХ-ны ерөнхий нарийн бичгийн дарга Э. Бадар-Ууган хүлээн авч уулзан гимнастикийн спортыг хөгжүүлэхэд оруулж буй хувь нэмрийг нь үнэлж МҮОХ-ны “Алтан медаль”-иар шагналаа.  Энэхүү сургалтад Йордан Улсаас гурван дасгалжуулагч, Монгол Улсын 17 дасгалжуулагч, тамирчин нийлсэн 21 хүн хамрагдаж байна. “Паркоур” гимнастик гэдэг нь их хотын гимнастик буюу “Урбан” гимнастик юм.