Олон улсын бартаат замын нэр хүндтэй уралдаан “SILK WAY RALLY 2025”-д Монгол Улсаа төлөөлөн амжилттай оролцсон ОУХМ П.МӨРӨН мотоциклын төрөлд тэргүүлж, "Цагаан Арслан" цомын эзнээр шалгарлаа. Энэ бол зөвхөн нэгэн уралдааны ялалт бус, Монголын авто спортын түүхэнд үлдэх бахархам агшин юм. Тэрбээр өнгөрсөн жилийн уралдаанд хоёрдугаар байрт шалгарч байсан бол энэ жил амжилтаа ахиулж тэргүүн байр эзэллээ.