Энэ сарын 24-27-ны өдрүүдэд БНХАУ-ын Жянсу мужийн Жяньин хотноо зохион байгуулагдах Зүүн Азийн олимпын хорооны (ЗАОХ) Эрүүл мэндийн хорооны хурал болно.  Тус эрүүл мэндийн семинарт Монгол Улсаас Монголын үндэсний олимпын хороог төлөөлөн САУЭШТ-ийн Эрдэм шинжилгээ, сургалт судалгааны тэнхимийн албаны дарга Б.Ганзориг, МҮОХ-ны Эмнэлэг, эрдэм шинжилгээний комиссын гишүүн, “Almighty Clinic”-ийн үүсгэн байгуулагч, эмч Б.Санчир нар оролцохоор боллоо.

        Мөн долдугаар сарын 22-27-ны өдрүүдэд  болох 2025 оны ЗАОХ-ны залуучуудын “Тайчи” цугларалтад Монгол Улсаас тамирчин М.Дашням, Ө.Эрхсаран нар болон дасгалжуулагч О.Цэрэнпунцаг нар оролцохоор сонгогдсон юм. Уг хөтөлбөр нь тамирчдын харилцаа, ур чадварыг хөгжүүлэх, тайчи спортын мэдлэгийг чухал боломж юм.

     Эрдэм шинжилгээний баг, тамирчдын төлөөллийг МҮОХ-ны ерөнхий нарийн бичгийн дарга Э. Бадар-Ууган хүлээн авч дурсгалын бэлэг гардуулж амжилт хүслээ.