Монгол Улсад зохион байгуулагдсан сүүлийн “FIBA 3x3” сагсан бөмбөгийн дэлхийн аварга шалгаруулах тэмцээн нь 3x3 сагсан бөмбөгийн дэлхий нийтийн хүртээмж, дижитал нөлөөллийн хувьд шинэ оргилд хүрч, бүх голлох сошиал болон шууд дамжуулалтын үзүүлэлтүүдээр шинэ дээд амжилт тогтоожээ.

     Тэмцээний туршид “FIBA 3x3”-ын дижитал сувгуудаар нийт 253 сая удаагийн видео үзэлт бүртгэгдсэн нь 2023 оны 160 сая үзэлтээс мэдэгдэхүйц өссөн үзүүлэлт юм.

     Нийт impressions (харуулсан удаа)  257 саяд хүрчээ. Engagement (харилцан үйлдэл) ч мөн өндөр хэвээр байж, есөн сая гаруй удаагийн хариу үйлдэл бүртгэгдсэн нь 3x3 спортын хурдацтай, хотын өнгө төрх бүхий энтертайнментэд хэрэглэгчдийн сонирхол буураагүйг харуулж байна.

    “Монгол Улсад зохиогдсон энэ дэлхийн аварга шалгаруулах тэмцээн үнэхээр амжилттай болж өнгөрлөө. Үзэгч, фэнүүдийн онлайн орчин дахь дээд зэргийн идэвх, оролцоо бидний хувьд маш бахархмаар үр дүн боллоо” хэмээн FIBA 3x3-ийн гүйцэтгэх захирал Алекс Санчес онцложээ.

     “Энэ бүхэн талбай дээрх тоглогчдын мартагдашгүй тоглолт, үзэгчдийн халуун сэтгэл, мөн Монголын мэргэжлийн зохион байгуулагчдын ачаар л биелсэн юм.”

      Үүнээс гадна, үндсэн сошиал платформууд дээрх амжилтуудаас гадна “FIBA 3x3” нийт 200,000  гаруй шинэ дагагчийг тэмцээний өмнө, явц болон дараа нь нэмсэн нь тус спорт шинэ үзэгчдийг татах, тэдэнтэй урт хугацааны холбоо үүсгэх хүчтэй чадвартайг харуулж байна.

      Монголд болсон FIBA 3x3 ДАШТ уламжлалт телевизийн салбарт ч түүхэн амжилт үзүүлжээ. Энэ жилийн “FIBA 3x3” ДАШТ нь зөвхөн сошиал медиагаар зогсохгүй, уламжлалт телевизийн талбарт ч мэдэгдэхүйц ахиц дэвшил гаргасан байна. Нийт 26 телевизийн түнш тус тэмцээнийг дэлхий даяарх 200  гаруй бүс нутагт шууд дамжуулсан нь өмнөх удаагийн 160  бүс нутгаас үлэмж тэлсэн үзүүлэлт байв.

      Энэхүү өргөн хүрээтэй телевизийн хамрах байдал нь Монголын түүхэн Сүхбаатарын талбай дээр өрнөсөн гайхалтай тоглолтуудыг дэлхийн өнцөг булан бүрээс олон сая үзэгч шууд үзэх боломжийг бүрдүүлсэн юм.

“FIBA 3x3” ДАШТ 2025: Улаанбаатарт болсон түүхэн амжилт

• Шигшээ тоглолтын үеэр бүх тасалбар зарагдсан

• Нийт 50,000 гаруй үзэгч тэмцээний турш оролцсон

• “Coca-Cola Mongolia” зэрэг ивээн тэтгэгчид өдөр бүр үйл ажиллагаа зохион байгуулж, асар, лангуу бүр нь дүүрэн байв.

     Монгол болон Нидерландын эмэгтэй багуудын медаль бол түүхэн үр дүн

    Энэ тэмцээн 3x3 сагсан бөмбөг нь зөвхөн уламжлалт хүчирхэг орнуудад бус, ямар ч улс орон амжилтад хүрч чадах боломжтой спорт гэдгийг дахин харууллаа.

   Нидерланд болон Монголын эмэгтэй багуудын медалийн амжилт бол олон жилийн бэлтгэл, тууштай зорилгын үр дүн гэдгийг батлан харуулсан чухал мөч байв.

    Монгол Улс” FIBA 3x3” Азийн аварга шалгаруулах тэмцээнийг  2027- онд  зохион байгуулна.  “FIBA”-аас албан ёсоор мэдэгдснээр, Монгол Улс 2027 оны “FIBA 3x3” Азийн аваргыг  2027 оны гуравдугаар сарын 31-нээс дөрөвдүгээр сарын 4-ний хооронд нийслэл Улаанбаатар хотын төвд зохион байгуулахаар боллоо.

    Харин дараагийн “FIBA 3x3” дэлхийн аварга шалгаруулах тэмцээн  2026 оны зургадугаар сарын 1–7-ны өдрүүдэд  Польш Улсын Варшав хотод зохион байгуулана.