Тулгар төрийн 2234 жил, Их Монгол Улс байгуулагдсаны 819 жил, Үндэсний эрх чөлөө, тусгаар тогтнолоо сэргээн мандуулсны 114 жил, ардын хувьсгалын 104 жилийн ойн үндэсний их баяр наадмын урианхай сурын харваа өндөрлөв. Урианхай сурын харваанд 350 гаруй харваач цэц мэргэнээ сорьж өрсөлдлөө.

Урианхай сурын дүн:

1. Баян-Өлгий аймгийн Буянт сумын харьяат аймгийн мэргэн, спортын мастер ХӨХИЙН МЯГМАРЖАВ 27 оноогоор товх харван түрүүлж, урианхай сурын улсын мэргэн цолны болзол хангалаа.

2. Завхан аймгийн Тэс сумын уугуул, Налайх дүүргийн харьяат, Их өв цэцэн багийн харваач, Тэсо пропертис группын тамирчин, урианхай улсын мэргэн БАТХУЯГИЙН ХАТАНСАЙХАН 27 оноогоор дэд байр,

3. Баян-Өлгий аймгийн Алтай сумын харьяат, Өлгийн мэргэчүүд багийн харваач, Таван богдын бүргэдүүд дэвжээний тамирчин, спортын мастер НАРМАНДАХЫН АЛТАНСҮХ 27 оноогоор гуравдугаар байр,

4. Ховд аймгийн Дуут сумын харьяат “Ховд цахилгаан түгээх сүлжээ” ХХК -ийн ажилтан, Уулсын мэргэчүүд холбоо, Алтайн шонхор багийн харваач, аймгийн мэргэн, спортын мастер МӨНГӨНБОЛДЫН ГАЛБАДРАХ 27 оноогоор дөрөвдүгээр байр,

5. Баян-Өлгий аймгийн Булган сумын уугуул, Ховд аймгийн Мянгад сумын харьяат, “Ховд эко цемент Вестерн холд” ХХК, Уулсын мэргэчүүд холбоо, “Алтайн шонхор” багийн харваач, урианхай сурын улсын мэргэн ДАМИРАНЖАВЫН АЛТАНГЭРЭЛ 25 оноогоор тавдугаар байрт тус тус шалгарлаа.