Монгол Улсын сагсан бөмбөгийн эмэгтэй шигшээ баг Өмнөд Солонгос Улсад  “WKBL”-ээс зохион байгуулж буй “2025 Future League” 5х5-ын баг, дөрөв дэх тоглолтоо хийлээ. Гавьяатуудаар хүчээ сэлбэсэн манай багийн таван тоглогч Солонгосын "Hana bank" багийн эсрэг сэлгээнд суулгүйгээр тэсвэр, тэвчээр гарган сайн тоглолт үзүүлж 80:73-аар хожигдлоо.  Тус тоглолтод МУГТ О.Хулан 24 оноо 11 самбар авч багаа тэргүүллээ. Энэхүү тэмцээн нь Азийн аварга шалгаруулах тэмцээний өмнө манай багт бэлтгэл болсон тоглолтууд боллоо. Өмнөд Солонгосын эмэгтэй шигшээ баг дэлхийн чансааны 14-т эрэмбэтэй. Харин Монгол Улсын 5х5-ын эмэгтэй шигшээ баг, дэлхийн чансааны 90-д эрэмбэлэгдэж байгаа юм.