Жүдо бөхийн Үндэсний шигшээ баг, “Хүч” спорт хорооны тамирчин, ОУХМ Дарханбатбаярын Есүй 2006 оны энэ өдөр Ховд аймагт мэндэлжээ. Тэрбээр 2025 оны насанд хүрэгчдийн Ази тивийн аварга шалгаруулах тэмцээний хүрэл медалийн төлөө өрсөлдөж, шагналт тавдугаар байрт шалгарсан.

      Д.Есүй жүдо бөхийн өсвөр үеийн Ази тивийн аварга шалгаруулах тэмцээнээс мөнгөн медаль хүртэж байсан. Харин залуучуудын Азийн аварга шалгаруулах тэмцээний хүрэл медалийн төлөө барилдаад тавдугаар байрт орсон. Самбо бөхийн өсвөр үеийн дэлхийн аварга шалгаруулах тэмцээний хүрэл медальтай. Залуучуудын дэлхийн аварга шалгаруулах тэмцээнээс мөнгөн медаль хүртсэн. Жүдо бөхийн ДАШТ болон Баку, Душанбегийн их дуулга тэмцээнд оролцож байсан.