Монгол Улсад анх удаа зохион байгуулсан 3x3 сагсан бөмбөгийн насанд хүрэгчдийн дэлхийн аварга шалгаруулах тэмцээнээс Үндэсний шигшээ багийн тамирчид мөнгөн медалийг хүртсэн билээ.  Монгол Улсын Ерөнхийлөгч зарлигаар өчигдөр Мөнхсайханы Цэрэнлхам, Онолбаатарын Хулан, Бат-Эрдэнийн Ариунцэцэг, Нямжавын Нандинхүсэл нар Монгол Улсын гавьяат тамирчин болсон. Шинэхэн гавьяат тамирчдыг “MCS GROUP” хүлээн авч, уулзан, хүндэтгэл үзүүлэн, дэлхийн аваргын мөнгөн медальт 3х3 шигшээ багийн охидыг нэг тэрбум төгрөгөөр шагнажээ.  "MCS" группын хамт олон 2005 оноос эхлэн 3х3 сагсан тэмцээнийг анхлан зохион байгуулж эхэлжээ. Өнгөрсөн 20 жилийн хугацаанд Монголын 3х3 сагсан бөмбөгийн спортод 10 сая гаруй ам,долларын хөрөнгө оруулалтыг хийсэн байна.