Дархан-Уул аймаг “Өсвөрийн тамирчдыг дэмжих жил”-ийн хүрээнд тамирчин хүүхэд багачууддаа зориулан иж бүрэн засварласан “Зулзагын гол” зусланд байрлах тамирчдын зуны бэлтгэлийн байр энэ сарын 23-ны өдөр ашиглалтад орж тамирчдаа хүлээн авч эхэллээ.

   Эхний ээлжээр Дархан-Уул аймгийн БТСГ-ын самбо, жүдо бөхийн дасгалжуулагч спортын мастер Д.Балжинням багштай 40 гаруй өсвөрийн жүдочин бэлтгэлдээ гарч байна. Нэг удаадаа 60 хүүхэд хүлээн авах чадалтай энэхүү байр нь 13 өрөө, дотор ариун цэврийн өрөө, гадаа гал тогооны байраас бүрдэнэ.

    Хүүхдүүддээ зориулан ор хэрэгсэл, зөөлөн эдлэлийг шинээр иж бүрэн тохижуулжээ. Нэг ээлжинд 14 хоногоор тамирчид нарсан ойн агаарт бэлтгэлээ ээлжлэн хийнэ. Ирээдүйн жүдочдод,  "Будапешт-2025"   ДАШТ-ий хүрэл медальт, ОУХМ К.Ёолк зуны бэлтгэлд нь амжилт хүслээ.