“Хасар цом” мод таталт буюу модон барилдааны насанд хүрэгчид, өсвөр үеийн жин тус бүрийн шилдэг найман тамирчдын хооронд явагдах хаалттай тэмцээн болох гэж байна. Тус цомын тэмцээн нь 2025 оны зургадугаар сарын 29-30-ны өдрүүдэд Баянгол дүүргийн Биеийн тамир спортын хороон дээр зохион байгуулагдана. Энэ удаагийн тэмцээнээс өсвөр үе, насанд хүрэгчдийн ДАШТ-д өрсөлдөх тамирчдыг сонгон шалгаруулах юм. Цомын тэмцээн өсвөр үеийн хөвгүүдийн 50, 55, 60, 65, 70, 75, 80, -90, +90 кг, охидын 45, 50, 55, 60, 65, -70, +70 кг-ын жингийн ангиллаар явагдана. Харин насанд хүрэгчдийн эрэгтэйчүүдийн 60, 65, 70, 75, 80, 85, 90, 105,-125, +125 кг, эмэгтэйчүүдийн 55, 60, 65, 70, 75, -85, +85 кг-ын жингийн ангиллаар болох юм. Харин ДАШТ Архангай аймагт долдугаар сарын 30-наас, наймдугаар сарын 3-ны өдрүүдэд болох юм.