Нийслэлийн аварга шалгаруулах 3х3-ын багийн барилдаанд есөн дүүргийн төлөөлөл есөн баг гурав, гурван бөхийн бүрэлдэхүүнтэйгээр нийт 27 бөх, найман тойргийн барилдаан хийж, дүнгээ гаргалаа.  Улсын харцага О.Мөнх-Эрдэнэ ахлагчтай, аймгийн хурц арслан Н.Амгаланбаатар, аймгийн заан О.Доржсамбуу нарын бүрэлдэхүүнтэй Багахангай дүүргийн баг 17 даваа, долоон ялалттай тэргүүлж нэгдүгээр байрт шалгарлаа.

      Харин улсын начин Б.Даваа-Очир ахлагчтай, аймгийн арслан С.Цогтбаатар, аймгийн начин О.Пүрэв-Очир нарын бүрэлдэхүүнтэй Багануур дүүргийн баг 15 даваа, 7 ялалттай удаалж, хоёрдугаар байрт оров. Улсын начин Л.Энхсаруул ахлагчтай, аймгийн арслан Е.Көптилек, аймгийн начин Н.Пүрэвдаваа нарын бүрэлдэхүүнтэй  баг 14 даваа, зургаан ялалттай гуравдугаар байрт тус тус шалгарлаа.

   Нийслэлийн аварга шалгаруулах 3х3-ын багийн барилдааны нийт шагналын сан 65.000.000  төгрөг байлаа.

1. Түрүүлсэн баг 15.000.000 төгрөг

2. Дэд байр 10.000.000 төгрөг

3. Гутгаар байр 5.000.000 төгрөгийн бай шагнал гардсан юм.

    Хувийн дүнгээр улсын заан Б.Батмөнх, улсын харцага О.Мөнх-Эрдэнэ, улсын өсөх идэр начин Ч.Батчулуун, улсын начин Б.Даваа-Очир, улсын начин Л.Энхсаруул нар тус бүр адил найман даваагаар бусдыгаа манлайлан барилдлаа. Эдгээр таван бөх тус бүр 1.000.000 төгрөгийн шагнал гардаж, барилдсан бүх бөхчүүд давааны мөнгөө гардацгаалаа. Нэг давааны шагнал 250.000 төгрөг байв.

    Мөн энэ үеэр улирлын барилдаануудад амжилттай барилдаж чансаагаараа тэргүүлсэн шилдэг найман бөхөд батламж, мөнгөн шагнал болон эхний гурван бөхөд “Монгол бөхийн өргөө”-ний алт, мөнгө, хүрэл сувинер гардуулсан юм.

Шилдэг найман бөх:

1. Улсын заан Б.Бат-Өлзий 11350 оноо,

2. Улсын начин Э.Батмагнай 10300 оноо,

3. Аймгийн хурц арслан Н.Амгаланбаатар 10050 оноо,

4. Аймгийн хурц арслан Н.Өсөхбаяр 9700 оноо,

5. Аймгийн хурц арслан Д.Алтанцоож 9400 оноо,

6. Улсын арслан Б.Орхонбаяр 9100 оноо,

7. Улсын өсөөх идэр начин Ч.Батчулуун 8800 оноо,

8. Улсын аварга О.Хангай 8600 оноогоор тус тус багтжээ.

МОНГОЛЫН ҮНДЭСНИЙ БӨХИЙН ХОЛБОО