“Хасын Хүлэгүүд” баг Монголын сагсан бөмбөгийн түүхийг гайхалтайгаар шинэчилсээр байна. Тэд “BCL Asia-2025” Азийн аваргуудын лигийн хасагдах шатны тоглолтод Филиппин Улсын лигийн аварга “Meralco Bolts” багийг хожиж хагас шигшээ шатанд шалгарч шилдэг дөрвөн багийн нэг боллоо. “Хасын Хүлэгүүд” 83:78-аар Филиппинийн “Meralco Bolts” багийг буулган авсан.

      Филиппин Улс 115 сая хүн амтай. Филиппин улсын лигийн аварга багийг “Хас хүлгүүд” хожсон чинь фенүүд нь бүүр итгэж чадахгүй бөөн юм болж байна. Филиппиний номер нэг спорт нь сагсан бөмбөг юм байна. Лиг нь бараг 50 жил болж байгаа, тус улсын хүн болгон сагсаа ярьдаг тийм улс ажээ.

      Ийнхүү манай баг Азийн аваргуудын лигийн хагас шигшээд шалгарлаа гайхалтай тоглолт боллоо. Өнөөдөр орой Японы “B1” лигийн аварга “Utsunomiya Brex” багтай тоглохоор боллоо.