Армен Улсын нийслэл Ереван хотод зургадугаар сарын 7-8-ны өдрүүдэд самбо бөхийн дэлхийн цомын тэмцээн боллоо. Тус тэмцээнд 18 орны 252 тамирчин өрсөлджээ. Манай улсаас байлдааны самбо бөхийн дэлхийн аварга Гантөмөрийн Баяндүүрэн, байлдааны самбо бөхийн 58 кг-ын жинд түрүүлж, дэлхийн цомын аварга болсон байна. Дэлхийн цомын аварга шалгаруулах тэмцээний нийт шагналын сан 196 мянган ам.доллар байжээ. Жин тус бүрийн дэлхийн цомын аваргууд 3000, мөнгөн медаль хүртсэн тамирчин 2000, хүрэл медаль хүртсэн тамирчин 1000 ам.долларын шагнал  хүртсэн байна.

Байлдааны самбо бөх:

58 кг:

1. Г.Баяндүүрэн (Монгол) алт.

2. Айдогдуев Алухан (Туркменистан) мөнгө.

3. Алиев Мирас (Казахстан) хүрэл.

3. Алдешов Ассет (Казахстан) хүрэл медаль тус тус хүртжээ.