Монголын хүүхдийн спортын зуны VIII наадмын сагсан бөмбөгийн тэмцээн Спортын төв ордон, Чингэлтэй дүүргийн БТСХ, Чингэлтэй дүүргийн Хайрхан хөгжлийн төвийн спорт зааланд болов. Тус тэмцээн 2025 оны тавдугаар сарын 26-наас зургадугаар сарын 1-ний өдрүүдэд амжилттай зохион байгуулагдаж өндөрлөлөө.

     Тэмцээнд 21 аймаг, есөн дүүргийн эмэгтэй 20, эрэгтэй 26 багийн тамирчид өрсөлдсөнөөс Хан-Уул дүүргийн Д.Отгонбаатар дасгалжуулагчтай Ц.Энхтулга ахлагчтай “Модун чононууд” баг тэргүүн байр эзэллэж алтан медалийн эздээр тодорлоо.