Нийслэлийн Баянгол дүүргийн 93 дугаар сургуулийн С.Энхбаясгалан багштай 11-ийн “А” ангийн сурагчид Монголын үндэсний олимпын хороонд зочилж, “Олимпын музей” үзэж сонирхлоо. Тэднийг МҮОХ-ны ерөнхий нарийн бичгийн дарга, Монгол Улсын Хөдөлмөрийн баатар, 2008 оны олимпын аварга, боксчин Э.Бадар-Ууган хүлээн авч уулзав.

     Энэ үеэр сурагчдын дунд “АХА” тэмцээн зохион байгуулж, Э.Энхзул, М.Намхай, Д.Ирмүүн-Эрдэнэ нар эхний байруудад шалгарч, МҮОХ-ны гарын бэлгээр шагнуулсан юм. Тус арга хэмжээ нь тэдний спорт болон олимпизмын талаарх мэдлэгийг өргөжүүлж, цаашид энэ чиглэлээр гүнзгийрүүлэн судлах хүсэл эрмэлзлийг өдөөсөн нь дамжиггүй.