Чөлөөт бөхийн “Улаанбаатар опен” дэлхийн чансааны оноо олгох олон улсын тэмцээн “Буянт-Ухаа” спорт ордонд сонгомол бөхийн барилдаанаар эхэллээ. Чөлөөт, сонгомол бөхийн дэлхийн чансааны оноо олгох “Улаанбаатар опен” тэмцээнд 17 орны 350 гаруй бөх хүч сорьж байна. Тэмцээний эхний өдөр сонгомол бөхийн 55, 67, 72, 77, 82, 87, 97 кг-ын жингийн сонирхолтой барилдаанууд өрнөж эхэллээ. Эдгээр жингүүдэд ОУХМ Б.Бат-Эрдэнэ, Г.Ганхуяг тэргүүтэй Монголын есөн бөх зодоглож байгаа юм. Урьдчилсан шатны барилдаанууд 10:30 цагаас эхэлсэн бөгөөд хагас шигшээ, дагах барилдаанууд 13:00 цагаас, харин медалийн төлөөх барилдаанууд 17:00 цагаас эхэлнэ. Тэмцээнийг “С1”, “ТВ9”, “Сүлд” телевизээр шууд дамжуулан хүргэх болно.