Унгарын нийслэл Будапешт хотод жүдо бөхийн насанд хүрэгчдийн эрэгтэйчүүдийн 38, эмэгтэйчүүдийн 29 дэх удаагийн дэлхийн аварга шалгаруулах тэмцээн зургадугаар сарын 13-20-нд болно. Тэмцээнд 83 орны эрэгтэй 251, эмэгтэй 240, нийт 491 тамирчин өрсөлдөхөө одоогоор мэдүүлсэн байна. Харин манай улсаас нийт 18 жүдоч барилдана.

    Тэмцээний эрэгтэйчүүдийн 60 кг-ын жинд Э.Ариунболд, К.Ёолк, 66 кг-д Ё.Басхүү, Б.Эрхэмбаяр, 73 кг-д Л.Анхзаяа, О.Уранбаяр, 81 кг-д О.Шинэбаяр -100 кг-д Б.Хүдэрчулуун, +100 кг-д Б.Гончигсүрэн нар барилдах бол эмэгтэйчүүдийн 48 кг-д Г.Наранцэцэг, Ж.Анударь, 52 кг-д Л.Сосорбарам, 57 кг-д Т.Ариунзаяа, 63 кг-д Л.Энхрийлэн, Б.Ганхайч, 70 кг-д Д.Есүй, Б.Ням-Эрдэнэ, 78 кг-д А.Адъяасүрэн нар зодоглохоор тогтжээ.

     Холимог багийн төрөлд Ц.Ган-Эрдэнэ 90 кг, Д.Номинзул +78 кг нар оролцоно. Холимог багийн төрөлд оролцоно. Монголын жүдочид ДАШТ-ээс нийт 28 медальтай ба зургаан түрүүтэй юм. Монголоос жүдо бөхийн ДАШТ-ий анхны хүрэл медальтан нь Д.Баттулга 1989 он, анхны мөнгөн медальтан О.Балжинням 1989 он, анхны алтан медальтан нь Х.Цагаанбаатар 2009 онд хүртэж байсан бол отгон дэлхийн аварга нь Б.Баасанхүү билээ.