• Өнөөдөр 2025-05-21

Дэлхийн чансанны тэмцээнд 17 орны 350 гаруй тамирчин зодоглоно

2025-05-21,   119

        Дэлхийн бөхийн нэгдсэн холбооноос жилд өндөр зэрэглэлийн зургаан том тэмцээн зохион байгуулдаг нь ДАШТ, тивүүдийн аварга шалгаруулах тэмцээн болон чансааны оноо олгох дөрвөн цуврал тэмцээн байдаг. Чансааны оноо олгох дөрвөн цувралын нэг болох "Ulaanbaatar open" тэмцээн тавдугаар сарын 29-нөөс зургадугаар сарын 1-ний өдрүүдэд “Буянт-Ухаа” спортын ордонд зохиогдох гэж байна.

      Тус тэмцээн нийт 400 сая төгрөгийн шагналын сантай. Тэмцээнд одоогоор 17 орны 350 гаруй тамирчин оролцохоор бүртгүүлээд байна. Манай улс зохион байгуулагч орны хувиар нэг жинд тав хүртэлх бөх оролцуулж болох бөгөөд Монголын 120 тамирчин өрсөлдөхөөр бэлтгэл сургуулилалтаа базааж байгаа юм.

      Тэмцээн сонгомол бөхийн 55, 60, 63, 67, 72, 77, 82, 87, 97, 130 кг, эмэгтэй чөлөөт бөхийн 50, 53, 55, 57, 59, 62, 65, 68, 72, 76 кг, эрэгтэй  чөлөөт бөхийн 57, 61, 65, 70, 74, 79, 86, 92, 97, 125 кг-ын жингийн ангиллаар болно.

      Дэлхийн бөхийн нэгдсэн холбоо 2019 онд чансааны оноо олгох журамд өөрчлөлт оруулж, чансааны онооны цуврал тэмцээнүүдийг зохион байгуулахаар шийдсэн. Энэхүү чансааны оноонд үндэслэн “Оны шилдэг тамирчин”-ыг тодруулах, тивийн аваргын хэсэг толгойлох бөхчүүдийг тодруулах, олимпын наадам, ДАШТ-д хэсэг толгойлох бөхчүүдийг тодруулах юм.


 

 


Дэлхийн чансанны тэмцээнд 17 орны 350 гаруй тамирчин зодоглоно
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.