Өмнөд Солонгосын Өмнөд бүсийн Консулын тойрог дахь Монгол иргэдийн санаачилгаар байгуулагдсан төрийн бус байгууллага, холбоод болон иргэдийн төлөөлөлөөс бүрдсэн ажлыг хэсгийг байгуулжээ. Тэд Монгол Улс болон БНСУ-ын хооронд дипломат харилцаа тогтоосны 35 жилийн ойн хүрээнд зохион байгуулагдах “БНСУ-ын Өмнөд бүсийн нэгдсэн наадам”-ыг зохион байгуулах ажлын хэсгийн анхдугаар хурлыг зохион байгуулсан байна.

    Хурлын үеэр нийт найман ажлын хэсэг байгуулж, гишүүдийн үүрэг, хариуцлагыг тодорхойлон, ажлын төлөвлөгөөг батлав. Ажлын хэсгийн гишүүдийн саналаар “БНСУ-ын Өмнөд бүсийн нэгдсэн наадам”-ын арга хэмжээг 2025 оны долдугаар сарын 12-ны ыямба гарагт “Хунбобса хийд”-ийн гадаа зүлгэн талбайд зохион байгуулахаар тогтжээ.

Наадмын хүрээнд дараах арга хэмжээнүүд зохион байгуулахаар болжээ.

• Монгол үндэсний 64 бөхийн барилдаан

• Солонгосын уламжлалт Ширим бөхийн барилдаан

• Шагайн харваа, Нум сум харваа

• Сайхан Монгол дээлтэн шалгаруулах уралдаан

• Модон морьтой хүүхдүүдийн уралдаан

• “Наадмын амтат хуушуур” шалгаруулах арга хэмжээ

Наадамд Консулын тойрогт үйл ажиллагаа явуулдаг гадаадын дипломат төлөөлөгчийн газрууд, төрийн байгууллагууд болон хамтын ажиллагаатай байгууллагуудын төлөөлөл уригдан оролцох юм байна.

      БНСУ-д сурч, ажиллаж, амьдарч буй бүх Монгол иргэдийг өргөнөөр оролцохыг уриалж байгаа аж. Наадмын нээлтийн үйл ажиллагаа Монголын үндэсний соёлыг илтгэх урлагийн тоглолтоор эхлэх бөгөөд “Хан Хэнтий чуулга”-ын уран бүтээлчид, Монгол Улсын Соёлын тэргүүний ажилтан Э. Төрмандах, дуучин О. Гансувд нар оролцохоор болсон байна.

     Энэхүү наадамд иргэн бүрийн оролцоог хангасан байхаар төлөвлөж нээлтийн үйл ажиллагаанд Монгол хүн бүрийг Монгол дээл, цамцтай оролцож бүгд бие биелэгээ биелэж, Монгол ахуй, соёлоо суугаа орондоо сурталчилан таниулах болно гэдгийг комиссын гишүүд , найруулагчид онцоллоо.