Японы Ёкохама хотноо триатлоны дэлхийн аваргын ээлжит гараа эхэллээ. Монголын триатлоны холбооны ерөнхийлөгч Ц.Сандуй тэргүүтэй төлөөлөл тус тэмцээнийг үзэж, найрсаг харилцаат Японы триатлоны холбооны удирдлагуудтай уулзсан байна.

    Монголын триатлоны холбоо түүхэндээ анх удаа 2025 оны есдүгээр сард Азийн цомын дуатлоны тэмцээнийг эх орондоо хүлээн авах бөгөөд тус эвентийг явуулахад Японы триатлоны холбооноос арга зүй, технологийн талаар дэмжүүлэх хүсэлтийг энэ үеэр тавилаа.

   Уулзалтад Японы триатлоны холбооны ерөнхийлөгч Мицүхидэ Иваки, Дэлхийн триатлоны холбооны дэд ерөнхийлөгч Шин Оцүка, олимпын хошой аварга хүндийг өргөгч Ёшинобү Миякэ болон бусад эрхмүүд оролцжээ.