Хоёр жил тутамд нэг удаа зохион байгуулагддаг Монголын хүүхдийн спортын зуны VIII наадам энэ сарын 26 -ны өдөр албан ёсоор “хөшиг”-өө нээнэ. Тус наадам чөлөөт бөх, жүдо, байт харваа, буудлага, бадминтон, волейбол, сагсан бөмбөг, гимнастик, даам, ширээний теннис, шатар, сагсан бөмбөгийн 3х3, самбо, усанд сэлэлт , таэквондо, дугуй, хөнгөн атлетик, хүндийг өргөлт, е спорт, модон барилдаан, холимог тулаан, дуатлон, жюү жицү, бүжиг, хөл бөмбөг, хүндийг өргөлт, бокс, пара бочи, пара хөнгөн атлетик, хонхот бөмбөг, диф сагсан бөмбөг 3х3, диф даам, тусгай хөнгөн атлетик,тусгай хамтарсан хөл бөмбөгийн төрөлд аваргуудаа тодруулах юм.

     “Мөрөөдлийнхөө төлөө шударгаар өрсөлдье” уриатай Хүүхдийн спортын зуны VIII наадмын албан ёсны мэдээллээ өнөөдрөөс хүргэж эхэлж байна. Хүүхдийн спортын зуны VIII наадамд өрсөлдөх ирээдүйн тив, дэлхий, олимпын аваргууддаа амжилт. Ташрамд сонирхуулхад Монголын хүүхдийн спортын зуны VII наадмыг Баянхонгор аймагт зохион байгуулж байсан бол энэ удаагийн наадам Улаанбаатар хотноо болно. Тэмцээний төрөл, тэмцээн болох байршил, цаг үеийн мэдээллийг бид эргэн хүргэх болно.