Жүдо бөхийн “Астана-2025” гранд сламын эмэгтэйчүүдийн 63 кг-ын жинд 28 жүдочин барилдсан. Тус жинд МУГТ тамирчин Л.Энхрийлэн хүрэл медаль хүртэв. Тэрбээр “С” хэсгийн нэгдүгээр тойрогт Италийн Raffaella Lelia CIANO-г ялсан. Хоёрдугаар тойрогт Бразилын Nauana SILVA-г буулган авсан. Хэсгийн аваргын төлөөх барилдаанд Германы Friederike STOLZE-г хожиж, шөвгийн дөрөвт шалгарч үлдсэн.

         Хагас шигшээ барилдаанд Францын Melkia AUCHECORNE-д хожигдсон. Улмаар хүрэл медалийн төлөөх барилдаанд Испанийн Laura VAZQUEZ FERNANDEZ-ийг ялж “Астана-2025” их дуулгаас хүрэл медаль хүртсэн.  Харин Ази тивийн аварга, ОУХМ Болдын Ганхайч “В” хэсгийн нэгдүгээр тойрогт Германын Viktoria FOLGER-ийг ялсан. Хоёрдугаар тойрогт Казахстаны Esmigul KUYULOVA ялж шөвгийн наймд шалгарч үлдсэн. Хэсгийн аваргын төлөөх барилдаанд Японы Narumi TANIOKA-д, дагах тойргийн барилдаанд Испанийн Laura VAZQUEZ FERNANDEZ-д хожигдож, шагналт долдугаар байраар тэмцээнээ өндөрлүүллээ.