Олон улсын жүдо бөхийн холбоо “IJF”-ийн цуврал “Астана-2025” их дуулга тэмцээн өнөөдөр эхэлж байна. Тус “Гранд слам” тавдугаар сарын 9-11-ний өдрүүдэд Казахстаны Астана хотод болно.  Энэ удаагийн “Их дуулга” тэмцээнд одоогийн байдлаар 45 улсын эрэгтэй 203, эмэгтэй 157, нийт 360 тамирчин өрсөлдөх мэдүүлэг өгчээ. Манай улсаас эрэгтэй 11, эмэгтэй 11, нийт 22 жүдочин зодоглоно.  Өчигдөр тэмцээний сугалаа явагдаж, оноолт гарлаа.

ЭМЭГТЭЙЧҮҮДИЙН 48 КГ Г.НАРАНЦЭЦЭГ :

Эмэгтэйчүүдийн 48 кг-ын жинд 24 жүдочин барилдах мэдүүлэг өгсөн байна. Манай улсаас тус жинд Тбилисийн их дуулгын аварга ОУХМ Ганбаатарын Наранцэцэг барилдана. Тэрбээр “D” хэсгийг тэргүүлэн нэгдүгээр тойрогт гоц мөргөн ялалт авсан байгаа. Хоёрдугаар тойрогт хоёрдугаар тойрогт Франц, Испанийн жүдочдын хэн ялсантай барилдана.

ЭМЭГТЭЙЧҮҮДИЙН 52 КГ М.НАНДИН-ЭРДЭНЭ, Б.УРАНЗАЯА :

Эмэгтэйчүүдийн 52 кг-ын жинд 27 жүдочин байгаа. Манай улсаас Баянмөнхийн Уранзаяа, Мягмарсүрэнгийн Нандин-Эрдэнэ нар хүч сорино. Б.Уранзаяа “В” хэсгийн нэгдүгээр тойрог Туркменистаны Jeren TAGANOVA-тай таарсан. Хэрэв түүнийг ялах юм бол хоёрдугаар тойрогт Мороккогийн Soumiya IRAOUI-той барилдана. Тус жингийн “D” хэсгийн нэгдүгээр тойрогт М.Нандин-Эрдэнэ, Английн Tatum KEEN-тэй таарлаа. Түүнийг буулган авч чадвал хоёрдугаар тойрогт Испанийн  Ayumi LEIVA SANCHEZ-тай таарна.

ЭМЭГТЭЙЧҮҮДИЙН 57 КГ Т.АРИУНЗАЯА :

     Эмэгтэйчүүдийн 57 кг-ын жинд 21 жүдочин барилдах мэдүүлэг өгсөн байна. Манай улсаас өсвөр үеийн дэлхийн аварга, Азийн аваргын хүрэл медальт, ОУХМ Тэрбишийн Ариунзаяа өрсөлдөнө. Тэрбээр “С” хэсгийн нэгдүгээр тойрогт Өмнөд Солонгосын KIM Juhee-тэй таарсан байгаа. Түүнийг ялах юм бол хоёрдугаар тойрогт Туркменистаны  Maysa PARDAYEVA-тай барилдана.

ЭМЭГТЭЙЧҮҮДИЙН 63 КГ Л.ЭНХРИЙЛЭН, Б.ГАНХАЙЧ :

     Эмэгтэйчүүдийн 63 кг-ын жинд 28 жүдочин барилдах мэдүүлэг өгсөн байна. Манай улсаас Ази тивийн аварга, ОУХМ Болдын Ганхайч, ДАШТ-ий хошой хүрэл медальт, Ази тивийн аварга, МУГТ Лхагватогоогийн Энхрийлэн нар хүч үзнэ. ОУХМ Б.Ганхайч “В” хэсгийн нэгдүгээр тойрогт Германын Viktoria FOLGER-тэй таарсан. Түүнийг ялах юм бол хоёрдугаар тойрогт Франц, Казахстаны жүдочдын хэн ялсантай барилдах болно. Харин МУГТ Л.Энхрийлэн “С” хэсгийн нэгдүгээр тойрогт Италийн Raffaella Lelia CIANO-той таарсан. Түүнийг ялж чадвал хоёрдугаар тойрогт Бразилын Nauana SILVA-тай барилдана.

ЭМЭГТЭЙЧҮҮДИЙН 70 КГ Д.ЕСҮЙ, Б.НЯМ-ЭРДЭНЭ :

    Эмэгтэйчүүдийн 70 кг-ын жинд 27 жүдочин барилдах мэдүүлэг өгсөн байна. Манай улсаас өсвөр үеийн ДАШТ-ий хүрэл, Азийн аваргын хошой  хүрэл медальт Батсуурийн Ням-Эрдэнэ, Ази тивийн аваргын тавдугаар байрын шагналт Дарханбатбаярын Есүй нар барилдана. ОУХМ Б.Ням-Эрдэнэ “С” хэсгийн нэгдүгээр тойрогт Узбекистаны Shirinjon  YULDOSHOVA-тай таараад байгаа. Түүнийг буулган авч чадвал хоёрдугаар тойрогт  Герман, Казахстаны жүдочдын хэн ялсантай барилдана.  Харин Д.Есүй “В” хэсгийн нэгдүгээр тойрогт Тайванийн Pei Chun YUAN-тэй таарсан. Түүнийг ялах юм бол хоёрдугаар тойрогт Хятадын  Yingying FENG-тэй таарна.

ЭМЭГТЭЙЧҮҮДИЙН -78 КГ А.ДУЛАМСҮРЭН, Ж.УРАНГОО :

      Эмэгтэйчүүдийн -78 кг-ын жинд 17 жүдочин барилдах мэдүүлэг өгсөн байна. Манай улсаас залуу тамирчин Жадамбаагийн Урангоо, Айлтгүйбаатарын Дуламсүрэн нар хүч сорин өрсөлдөнө.  Ж.Урангоо “А” хэсгийн нэгдүгээр тойрогт Тайванийн Chieh-Hsi WANG-тэй таарсан байгаа. Түүнийг ялах юм бол  хоёрдугаар тойрогт Өмнөд Солонгосын KIM Minju-той барилдана. Харин А.Дуламсүрэн “С” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт Бразилын Karol GIMENES-тэй барилдана.

ЭМЭГТЭЙЧҮҮДИЙН +78 КГ А.АДЪЯАСҮРЭН :

    Эмэгтэйчүүдийн +78 кг-ын жинд 14 жүдочин барилдах мэдүүлэг өгсөн байна. Манай улсаас ОУХМ Амарсайханы Адъяасүрэн барилдана. Тэрбээр “С” хэсгийн нэгдүгээр тойрогт ОХУ-ын Mariia IVANOVA-той таарсан. Түүнийг ялах юм бол “С” хэсгийн аваргын төлөөх барилдаанд Өмнөд Солонгосын LEE Hyeonji-той барилдана.

ЭРЭГТЭЙЧҮҮДИЙН 60 КГ Б.СҮХБАТ, Б.ЭНЭБИШ:

    Эрэгтэйчүүдийн 60 кг-ын жинд 31 жүдочин барилдах мэдүүлэг өгсөн байна. Манай улсаас УАШТ-ий дөрвөн удаагийн аварга, ОУХМ Бямбасүрэнгийн Сүхбат, Батцэрэнгийн Энэбиш нар өрсөлдөнө. Б.Сүхбат “D” хэсгийн нэгдүгээр тойрогт Болгарын Ivan SIMEONOV-той таарсан байгаа. Түүнийг ялвал хоёрдугаар тойрогт Өмнөд Солонгос, Казахстаны жүдочдын хэн ялсантай барилдана.  Харин Б.Энэбиш “В” хэсгийн нэгдүгээр тойрогт  Казахстаны Talgat ORYNBASSAR-тай таарсан. Түүнийг ялж чадах юм бол хоёрдугаар тойрогт Бельги, Өмнөд Солонгосын жүдочдын хэн ялсантай барилдана.

ЭРЭГТЭЙЧҮҮДИЙН 66 КГ Г.ХЭРЛЭН, Ө.ЖАНЦАНДОРЖ :

    Эрэгтэйчүүдийн 66 кг-ын жинд 29 жүдочин барилдах мэдүүлэг өгсөн байна. Манай улсаас ОУХМ Ганболдын Хэрлэн, залуу тамирчин Өнөрбатын Жанцандорж нар хүч үзнэ. Г.Хэрлэн “D” хэсгийн нэгдүгээр тойрогт ОХУ-ын Abrek NAGUCHEV-тай таарсан байгаа. Түүнийг ялах юм бол хоёрдугаар тойрогт Өмнөд Солонгосын  KIM Channyeong, Узбекистаны Dilshodbek BARATOV нарын хэн ялсантай барилдана. Харин Ө.Жанцандорж “В” хэсгийн нэгдүгээр тойрогт Мороккогийн Abderrahmane BOUSHITA-тай таарсан байгаа. Түүнийг ялж чадвал хоёрдугаар тойрогт Унгар, Киргизстаны жүдочдын хэн ялсантай барилдана.

ЭРЭГТЭЙЧҮҮДИЙН 73 КГ Б.ЭРДЭНЭБАЯР, Л.АНХЗАЯА :

    Эрэгтэйчүүдийн 73 кг-ын жинд 38 жүдочин барилдах мэдүүлэг өгсөн байна. Манай улсаас Тбилисийн гранд сламын аварга, ОУХМ Батзаяагийн Эрдэнэбаяр, ДАШТ-ий хүрэл медальт ОУХМ Лавжаргалын Анхзаяа нар хүч сорин өрсөлдөнө. ОУХМ Б.Эрдэнэбаяр “А” хэсгийн тэргүүлэн нэгдүгээр тойрогт гоц мөргөн ялалт авсан байгаа. Хоёрдугаар тойрогт Грек, Хятадын жүдочдын хэн ялсантай барилдана. Харин ОУХМ Л.Анхзаяа “А” хэсгийн нэгдүгээр тойрог гоц мөргөн ялалт авсан. Хоёрдугаар тойрогт Унгарын Aron SZABO-той барилдана.

ЭРЭГТЭЙЧҮҮДИЙН 81 КГ Г.БАТСУГАР :

   Эрэгтэйчүүдийн 81 кг-ын жинд 33 жүдочин барилдах мэдүүлэг өгсөн байна. Манай улсаас залуу тамирчин Гансүхийн Батсугар барилдана. Тэрбээр “С” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт Италийн Manuel PARLATI-тай барилдана.

ЭРЭГТЭЙЧҮҮДИЙН 90 КГ Б.МӨНХБАЯР :

   Эрэгтэйчүүдийн 90 кг-ын жинд 31 жүдочин барилдах мэдүүлэг өгсөн байна. Манай улсаас Баттогтохын Мөнхбаяр хүч үзнэ. Тэрбээр “С” хэсгийн нэгдүгээр тойрогт Казахстаны Aidar ARAPOV-той таарсан байгаа. Хэрэв түүнийг ялах юм бол хоёрдугаар тойрогт Грекийн Theodoros TSELIDIS-тэй барилдана.

ЭРЭГТЭЙЧҮҮДИЙН -100 КГ Б.ХҮДЭРЧУЛУУН, А.ЭНХБАЯР :

    Эрэгтэйчүүдийн -100 кг-ын жинд 23 жүдочин барилдах мэдүүлэг өгсөн байна. Манай улсаас Баярцэнгэлийн Хүдэрчулуун, Алтаншагайн Энхбаяр нар барилдана. Б.Хүдэрчулуун “В” хэсгийн нэгдүгээр тойрогт Словенийн Gal BERTALANIC ZIZEK-тэй таарсан. Түүнийг ялах юм бол хоёрдугаар тойрогт Унгарын Zsombor VEG-тэй барилдана. Харин А.Энхбаяр “D” хэсгийн нэгдүгээр тойрогт Италийн Enrico BERGAMELLI-тэй таарсан. Хэрэв түүнийг ялах юм бол хоёрдугаар тойрогт Өмнөд Солонгосын KIM Seheon-той барилдана.

ЭРЭГТЭЙЧҮҮДИЙН +100 КГ Б.ГОНЧИГСҮРЭН :

     Эрэгтэйчүүдийн +100 кг-ын жинд ОУХМ Батхуягийн Гончигсүрэн жин өгсөн хүч сорин өрсөлдөнө. Тэрбээр “С” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт ОХУ-ын Denis BATCHAEV-тэй барилдана.