Йордан Улсын Амман хотноо 2025 оны дөрөвдүгээр сарын 17-ноос тавдугаар сарын 1-ний өдрүүдэд Азийн боксын (Asian Boxing) холбооны “U15”, “U17” насны боксчдын Ази тивийн аварга шалгаруулах тэмцээн болсон. Азийн аваргаас “Ихэр бээлий” клубийн тамирчин А.Алтанзул мөнгөн медаль, Т.Даваажав хүрэл медаль, Баян-Өлгий аймгийн “Дреам” боксын клубийн тамирчин Нурселем Ахмедхан хүрэл медаль тус тус хүртсэн байна. Тэмцээнд амжилт гаргасан тамирчдад Монголын боксын холбооноос хүндэтгэл үзүүлж, баяр хүргэж гарын бэлэг гардууллаа.