Ази тивийн сагсан бөмбөгийн хамгийн том тэмцээнүүдийн нэг болох “Basketball Champions League Asia” буюу “BCL Asia 2025” тэмцээн Монгол Улсад хоёр дахь жилдээ “М bank arena”-д зохион байгуулагдах гэж байна. Энэхүү тэмцээнд Индонез, Тайвань, Тайланд, Малайз, Сингапур Улсын лигийн аварга багууд өрсөлдөхөөр ирэх юм. “М bank arena”-д өмнөх жил уг тэмцээнийг амжилттай зохион байгуулж, олон улсын хэмжээнд Монголын нэрийг гаргасан бөгөөд энэ жил өмнөхөөс илүү өргөн хүрээтэй, илүү сонирхолтой өрсөлдөөн үзэгчдийг хүлээж байна. Тус “BCL Asia-2025” тэмцээн тавдугаар сарын 11-15-ны өдрүүдэд болно.