Дархан-Уул аймгийн Засаг даргын нэрэмжит ЕБС-ийн ахлах ангийн сурагчдад цэрэг эх оронч хүмүүжил олгох, эх орноороо бахархах үзлийг төлөвшүүлэх зорилготой цэрэг спортын "Дөл" цогцолбор тэмцээн өндөрлөж шилдгүүдээ шалгарууллаа. Хоёр өдрийн турш сурагчид тэсвэр хатуужил, хурд хүчээ сорин өрсөлдөж аваргуудаа тодруулав.

Багийн дүнгээр:

Тэргүүн байрт “Оюуны-Ирээдүй” цогцолбор сургуулийн баг.

Дэд байрт 16-р сургууль “Жигүүр” цогцолборын баг

Гуравдугаар байрт Орхон сумын 8-р сургуулийн багууд тус тус шалгарлаа.

     Дархан-Уул аймгийн Засаг дарга Б.Азжаргал  шагналт байрт шалгарсан сурагчдад Зулзагын голын зусланд гурав хоног амрах эрх, “Өргөө” кино театрт кино үзэх эрхээр урамшууллаа. Тэргүүлсэн багуудаас шалгарсан сурагчид улсын аварга шалгаруулах "Дөл" тэмцээнд аймгаа төлөөлөн оролцох юм. Тэмцээнд 14 төрөлд аймгийн хэмжээнд үйл ажиллагаа явуулж буй ЕБ-ын 13 сургуулийн 140 сурагч оролцлоо.