Спортын төв ордонд сагсан бөмбөгийн  “ФИБА 3х3 Улаанбаатар Супер Күэст” тэмцээн өчигдөр эхэлсэн. Өнөөдөр тус тэмцээний финалын шатны тоглолтууд явагдаж өндөрлөнө. Тус тэмцээнд Өмнөд Солонгос, Япон, Тайвань, Сингапур, манай улсын шилдэг багууд оролцож байна. Түрүүлсэн баг нь Ченгдугийн их дуулгад оролцох эрх авна.

    Өчигдөр “ FIFA 3x3 Ulaanbaatar Super Quest 2025” тэмцээний хэсгийн шатны тоглолтод “Ulaanbaatar West” баг,  “Taipei Knights” багийг 21:10-аар буулган авсан. Улмаар “Singapore” багийг 21:9-өөр хожиж хэсгээ нэгдүгээр байраар тэргүүлэн, хасагдах шатанд шалгарлаа. Харин “Ulaanbaatar East” баг, “Jumpshot Singapore” багийг 20:18-аар хожиж хэсгээ нэгдүгээр байраар тэргүүлж, хасагдах шатанд шалгараад байна.

     Өнөөдөр 15:00 цагаас “FIBA 3x3 Ulaanbaatar Super Quest 2025” тэмцээний хасагдах шатны тоглолтууд эхэлнэ. Манай “Ulaanbaatar west” баг 15:00 цагаас “Seoul Cosmo” багтай хасагдах шатны тоглолтоо хийнэ. Харин 15:25 цагаас “Баянхайрхан МИГ” баг, “Singapore” багтай, 15:50 цагаас “Ulaanbaatar West” баг, “Kharkhorum Mongolians” багтай, 16:15 цагаас “Zavkhan Sain Score” баг, “Jumpshot Singapore” багтай хасагдах шатны тоглолтоо тус тус хийхээр болоод байна.