Чөлөөт бөхийн Ази тивийн аварга шалгаруулах тэмцээний тав дахь өдөр өчигдөр Монголын таван бөх барилдаж, нэг мөнгө, хоёр хүрэл медалийн эзэн боллоо. 79 кг-д зодоглосон “Алдар” спорт хорооны тамирчин, ОУХМ Олонбаярын Сүлдхүү хүрэл медалийн төлөөх барилдаанд Киргизстаны бөх, ДАШТ-ий хүрэл медальт, Азийн аваргын алт, хүрэл медальт Арсалан Будажаповыг буулгаж авсан юм.

      Барилдааны үндсэн цаг 4:4-өөр тэнцэж, манай бөх сүүлийн оноо авсан үзүүлэлтээр илүүрхлээ. Ингэснээр О.Сүлдхүү тивийн аваргаас хоёр дахь медалиа авч байна. Тэрбээр 2023 онд Казахстанд болсон Ази тивийн аварга шалгаруулах тэмцээнээс мөн хүрэл медаль хүртэж байсан билээ.