Чөлөөт бөхийн Азийн аварга шалгаруулах тэмцээн дөрөв дэх өдрөө үргэлжилж байна.Өнөөдөр манай таван эмэгтэй бөх зодоглож байгаа. Эмэгтэйчүүдийн 53 кг-ын жинд зодоглож буй манай бөх “Алдар” спорт хорооны тамирчин ОУХМ Чинболдын Отгонтуяа эхний барилдаанаа Йорданын бөх Ноура Муссаллам Тааибиний эсрэг хийлээ. Энэ барилдаанд Ч.Отгонтуяа өрсөлдөгчөө даралтаар цэвэр ялж, хагас шигшээд шалгараад байна.

     Одоо тэрбээр Хойд Солонгос буюу БНАСАУ-ын бөх, “Парис-2024” олимпын хүрэл медальт Чо Хю Гёны эсрэг барилдах болно. Харин 57 кг-ын Х.Болортуяа хоёр дахь барилдаандаа Ази тивийн аварга, “U-23” насны дэлхийн аварга Японы Сара Натамид, 72 кг-д З.Болортунгалаг Хятадын бөхөд, 62 кг-д МУГТ С.Цэрэнчимэд Японы бөхөд 12:7-оор ялагдлаа. Япон, Хятадын бөх хагас шигшээгийн учраагаа ялж, финалд шалгарвал Х.Болортуяа, С.Цэрэнчимэд, З.Болортунгалаг нар дагаж барилдах болно.