Гүрж Улсын нийслэл Тбилис хотод энэ сарын 21-23-ны өдрүүдэд зохион байгуулагдах “Тбилис-2025” их дуулга  тэмцээн болно. Тус их дуулга тэмцээнд манай улс бүтэн багаараа буюу дөрвөн дасгалжуулагч, 20 тамирчин нийт 24 хүний бүрэлдэхүүнтэйгээр оролцохоор эх орноосоо өнөөдөр хөдөллөө.

     Дасгалжуулагчаар ОУХМ У.Эрдэнэбаатар, МУГД П.Нямлхагва, ОУХМ Ч.Болдбаатар, МУГТ Г.Болдбаатар нар явлаа. Харин тамирчдаар эрэгтэйчүүдийн 60 кг-ын жинд  Э.Ариунболд, К.Ёолк, 66 кг-д Ё.Басхүү, Ө.Бямбасүрэн, 73 кг-д Л.Анхзаяа, О.Уранбаяр, 81 кг-д О.Шинэбаяр, 90 кг-д Б.Мөнхбаяр, Ц.Ган-Эрдэнэ, Б.Хүдэрчулуун, +100 кг-д Б.Гончигсүрэн, эмэгтэйчүүдийн 48 кг-ын жинд Г.Наранцэцэг, Ж.Анударь, 52 кг-д М.Нандин-Эрдэнэ, Ц.Гал-Од, 57 кг-д М.Ичинхорлоо, Т.Ариунзаяа, 70 кг-д  Д.Есүй, -78 кг-д А.Дуламсүрэн +78 кг-д А.Адьяасүрэн нар барилдахаар явлаа.