Кураш бөхийн 2025 оны Азийн аварга шалгаруулах тэмцээн  Өмнөд Солонгост болно. Өсвөр үе, залуучууд, насанд хүрэгчид, ахмадын ангиллаар явагдах кураш бөхийн Ази тивийн аварга шалгаруулах тэмцээн энэ оны долдугаар сарын 30-наас наймдугаар сарын 5-ны өдрүүдэд болох юм. Энэхүү тэмцээн нь анх удаа ахмад, залуучууд, бага насны ангилалаар зохион байгуулагдаж байгаагаараа онцлог ач холбогдолтой байгаа. Азийн шилдэг тамирчид энэхүү нэр хүндтэй тэмцээнд ур чадвараа харуулах боломж бүрдэнэ.