Сонгомол болон чөлөөт бөхийн насанд хүрэгчдийн Ази тивийн аварга шалгаруулах тэмцээн Йордан Улсын Амман хотод гуравдугаар сарын 25-31-ий өдрүүдэд болна. Одоогийн байдлаар Ази тивийн аварга шалгаруулах тэмцээнд нийт 378 тамирчин оролцохоор мэдүүлжээ.

     Харин манай улсаас чөлөөт бөхийн төрөлд Үндэсний шигшээ багийн эрэгтэйчүүдийн багийн ахлах дасгалжуулагч Д.Гомбодорж, дасгалжуулагч Ж.Чулуунбат, Г.Амархүү, эмэгтэйчүүдийн багийн ахлах дасгалжуулагч С.Сүхбаатар, дасгалжуулагч Б.Одончимэг, Ө.Ууганбаяр нарын удирдлага дор нийт 20 тамирчин оролцох бол сонгомол бөхийн төрөлд дасгалжуулагч С.Мөнхсүхийн удирдлага дор гурван тамирчин зодоглоно.

      Чөлөөт бөхийн энэ оны УАШТ-нд түрүүлсэн тамирчин тивийн дэвжээнд хүч үзэх ба тус тэмцээн 1979 оноос эхлэлтэй. Тэгвэл Монголчууд чөлөөт бөхийн Азийн аваргаас анхлан медаль хүртсэн нь 1989 он юм. Япон Улсад болсон тус тэмцээнээс 48 кг-ын жинд Ч.Батбадрал, 68 кг-д Х.Амараа, 82 кг-д П.Сүхбат нар алтан медаль хүртсэн бол 130 кг-д А.Баатархүү мөнгө, 74 кг-д Л.Энхбаяр, 90 кг-д Ч.Бямбадорж нар хүрэл медальтай ирж байв. Монголын чөлөөт бөхийн баг 1979 оноос энэ тэмцээнд тасралтгүй оролцохдоо 1999 оноос бусад жилүүдэд медальтай ирсэн билээ. 2025 оны Ази тивийн аварга шалгаруулах тэмцээнд оролцох эрэгтэй, эмэгтэй тамирчдыг нэрс тодорсон байгаа.

Эрэгтэй:

57 кг: Б.Мөнх-Эрдэнэ

61 кг: Т.Түвшинтулга

65 кг: Ц.Цогбадрах

70 кг: Т.Тулга

74 кг: Б.Батбаяр

79 кг: О.Сүлдхүү

86 кг: Н.Батбилгүүн

92 кг: Б.Бат-Эрдэнэ

97 кг: Г.Ганхуяг

125 кг: М.Лхагвагэрэл

Эмэгтэй:

50 кг: Б.Мөнхнар

53 кг: Ч.Отгонтуяа

55 кг: Б.Отгонтуяа

57 кг: Х.Болортуяа

59 кг: Т.Алтжин

62 кг: С.Цэрэнчимэд

65 кг: Т.Энхжин

68 кг: Э.Дэлгэрмаа

72 кг: З.Болортунгалаг

76 кг: Э.Даваанасан

Сонгомол бөх:

55 кг: М.Сумъяабазар

63 кг: Н.Ганбаяр

77 кг: Н.Оргил.