Говьсүмбэр аймгийн биеийн тамирын багш, арга зүйч, спорт холбоодын дасгалжуулагчдыг хамруулсан спортын удирдах ажилтны сургалт-семинар Чойр хотноо зохиогдлоо. Сургалт “Парис-2024” олимпын наадам, олимпын хөдөлгөөний чиг хандлага, олимпын үнэт зүйлсийн боловсролын хөтөлбөрийг хэрэгжүүлэх тухай сэдвийн хүрээнд болов.

       Семинарт ОУОХ-ны гишүүн, МҮОХ-ны ерөнхийлөгч Б.Баттүшиг, Говьсүмбэр аймгийн Засаг дарга Т.Бат-Эрдэнэ, МҮОХ-ны тэргүүн дэд ерөнхийлөгч Ч.Наранбаатар, ерөнхий нарийн бичгийн дарга, "Бээжин-2008" олимпын аварга Э.Бадар-Ууган нар оролцов.

     Мөн МҮОХ-ны гишүүн "Антверпен" олимпын зөвлөлийн дарга Б.Буянтогтох нар оролцож, спорт, олимпизмыг хүүхэд багачуудад түлхүү сурталчлан таниулах талаар хэлэлцлээ. Түүнчлэн олимпын аварга Э.Бадар-Ууган өсвөрийн шигшээ багийн тамирчидтай уулзаж спортын замналын үнэтэй зөвлөгөө хүргэн чөлөөт ярилцлага өрнүүлэв.