Дархан-Уул аймгийн Биеийн тамир, спортын газар орон нутгийн хэмжээнд салбартаа тэргүүлжээ. Тус байгууллага Монгол Улсад орчин цагийн Биеийн тамир, спортын салбар үүсэж хөгжсөний 100 жил, Дархан-Уул аймгийн Биеийн тамир, спортын газар үүсэн хөгжсөний 60 жилийн ойн баярыг амжилт бүтээл дүүрэн угтсан байна.

     Ой тэмдэглэн өнгөрүүлэх арга хэмжээний 22 спортын төрлийн тэмцээн зохион байгуулж 10.000 гаруй тамирчдыг хамруулжээ. Нийтийн биеийн тамирын 49 арга хэмжээг зохион байгуулж 25,168 иргэд, спортоор хичээллэгчдийн дунд олон улсын чанартай нэг тэмцээнд 350, улсын чанартай есөн тэмцээнд 2100, бүсийн чанартай дөрвөн тэмцээнд 820, аймгийн чанартай 58 тэмцээнд 12500 хүн нийт аймгийн хэмжээнд 40.588 хүнийг хамруулан ажилласан байна.

     Монгол Улсын хууль тогтоомжоор хүлээсэн чиг үүрэг, аймаг орон нутгийн 2024 онд дэвшүүлсэн бодлого, шийдвэрийг хэрэгжүүлэхэд идэвх, зүтгэл, үр бүтээлтэй ажиллаж төрийн байгууллагуудаа манлайлан, үйл ажиллагаа үр дүнгээрээ орон нутгийн хэмжээнд тэргүүлсэн тул батламж хүртэж, мөн төсөл хэрэгжүүлэх 10 сая төгрөгийн эрхийн бичиг хүртжээ.