Үндэсний шигшээ багийн тамирчдад зориулсан шүдний кабинет үйлчилгээгээ эхлүүллээ. Биеийн тамир, спортын улсын хороо (БТСУХ)-ны улсын төсвийн хөрөнгө оруулалтаар Үндэсний шигшээ багийн тамирчдад зориулан орчин үеийн тоног төхөөрөмжөөр тоноглогдсон шүдний оношилгоо, эмчилгээний кабинет байгуулагдсан билээ.

      Уг кабинет нь 2025 оны нэгдүгээр сараас эхлэн Үндэсний шигшээ багийн тамирчдад хуваарь гарган үйлчилж эхэлсэн. Тэд чанартай үйлчилгээ үзүүлэхийн зэрэгцээ ариутгал, халдваргүйжүүлэлтийн асуудлыг нэн тэргүүнд чухалчлан, үйл ажиллагаандаа бүрэн хэрэгжүүлж байна.

      Шүдний кабинет байгуулагдсанаар Үндэсний шигшээ багийн тамирчид тогтмол үзлэгт хамрагдаж, цаг алдалгүй оношлуулж, эмчлүүлэн, шүдний өвдөлтөөс урьдчилан сэргийлэх бүрэн боломжтой боллоо.