Өвлийн "Алтаргана-2025" наадмыг Дорнод аймгийн Цагаан-Овоо сум санаачлан дөрвөн буриад сумдынхаа дунд амжилттай сайхан зохион байгууллаа. Тус наадам нь Буриад зон олон өвлийн улиралд хэрхэн аж төрж ирсэн өв уламжлалыг сурталчилж, түгээн дэлгэрүүлэх зорилготой олон ч талын ач холбогдол бүхий анхдагч наадам болжээ.

      Буриад угсаатны онцлогийг түгээн дэлгэрүүлэх зорилгоор Хамниган, Сонгоол, Буриад түмнийхээ эдэлж хэрэглэж ирсэн эд өлгийн зүйлсийг танилцуулж, Сонгоол Хамниган хоол ундыг бэлтгэж, хувцас хэрэгслийг нь ялгаатай байдлаар өмсөн гоёж, төрөл тус бүртээ угсаатныхаа онцлогийг шингээн ондоошиж, маш амжилттай оролцлоо.

      Наамдын хүрээнд нийт 14 номинаци шалгаруулсанаас дараах амжилтыг үзүүлсэн байна.Ниргэлгэ -ийн төрөлд тэргүүн байрыг талын чимэг дуугаар анчдынхаа олз омгийг мялааж, уул овоо, тэнгэр хангайгаа баясгаж буй зохиомж. Парад жагсаалын төрөлд тэргүүн байрыг Буриад, Хамниган, Сонгоол зоны өдөр тутмын аж байдлыг илэрхийлсэн үзүүлбэр. Басгадай хатар төрөлд тэргүүн байрыг Соёлын төвийн дэргэдэх "Улзын Долгио" хамтлаг, Бэлтгэсэн багш У.Оюунзаяа, Ж.Жаргалмаа нар байв.

     Посторно уралдаанд тэргүүн байрыг сумын алдарт уяач Жигжидийн Баттөмөрийн хүрэн морь.  “Ганган тором” төрөлд тэргүүн байрыг  улсын аварга малчин Нямдоржийн Энхбатын тором, эхнэр Одзаяа өөрийн гараар оёж гангалсанаар тэргүүн байрт шалгарлаа. Орчин үеийн Буриад эрэгтэй иж бүрэн хувцасны төрөлд тэргүүн байрыг "Ульхан" дэлгүүрийн Ж.Нэргүй ах иж бүрэн хувцас хэрэгслээр оролцлоо.