Азийн аваргуудын лиг буюу Basketball Champions League Asia “BCL Asia” 2025-д Монголын сагсан бөмбөгийн холбооны Үндэсний дээд лигийн 2023-2024 оны улирлын аварга “Хасын хүлэгүүд” болон дэд аварга “Бишрэлт Метал” багууд оролцох болсныг “ФИБА” өнөөдөр албан ёсоор зарлалаа.

     Манай бүст Тайвань, Тайланд, Малайз, Сингапур, Индонез Улсын багууд өрсөлдөж бүсээс хоёр баг “BCL Asia” final-д өрсөлдөнө. Манай багууд гурван удаа зочлон тоглолт хийж, 2025 оны тавдугаар сарын 9-14-ний өдрүүдэд эх орондоо өрсөлдөгч багуудаа хүлээн авч тоглоно.

     Өнгөрсөн жилээс МСБХ-ны Үндэсний дээд лиг “ФИБА”-гаас зохион байгуулдаг “BCL Asia”-д өрсөлдөж эхэлсэн ба эхний шатыг Монголдоо зохион байгуулсан. Өөрөөр хэлбэл МСБХ-ны Үндэсний дээд лигийн багууд Ази тивд зохион байгуулагдаж буй “BCL Asia”, “EASL” гэсэн топ хоёр лигт өрсөлддөг боллоо.