Улаанбаатар хотын 2025 оны аварга шалгаруулах шатрын тэмцээн болж байна. Монголын шатрын холбооноос 2025 оны нэгдүгээр сарын 22-26-ны өдрүүдэд “Корпрэйт Конвеншн” центр цогцолборт зохион байгуулагдаж байгаа юм. Тэмцээнд Нийслэлийн ЕБС-ийн 6-18 насны 221 эмэгтэй, 616 эрэгтэй нийт 837 өсвөрийн шатарчид 82 сургууль, академи, клубын харъяалал дор оюун ухаанаа сорин өрсөлдөж байна. Тус тэмцээний 17-18 насны ангилалд Төв аймаг “Хан-Алтай” клубийн тамирчин Олон улсын хэмжээний мастер, “WFM” Эрдэнэбаярын Хүслэн түрүүллээ. Өсвөрийн шатарчдын нийслэлийн аварга шалгаруулах тэмцээнд өнөөдөр буюу энэ  сарын 26-ны өдөр МШХ-ны Ёс зүйн хорооны дарга, Их мастер С.Билгүүн “Корпрэйт” Конвеншн центр цогцолборын таван давхар эцэг, эхчүүдийн хүлээлгийн танхимд 12:00-13:30 цагийн хооронд халз тоглолт хийнэ.