Монголын олимпын таэквондогийн VII их наадам болно. Тус наадам "Мазаалайгаа хайрлан хамгаалцгаая" уриан дор долоон төрлөөр нэгдүгээр сарын 13-17-ны өдрүүдэд Сэлэнгэ аймаг, Хөтөл тосгонд зохион байгуулагдана. Энэ удаагийн их наадамд 41 байгууллагын 1000 гаруй тамирчин ур чадвар, авьяасаа сорин өрсөлдөхөд бэлэн болжээ. Тэмцээн бага нас, өсвөр үе, залуучууд, насанд хүрэгчдийн ангиллаар, үзүүлэх тоглолт, тулааны төрлүүдээр явагдах юм.