Жүдо бөхийн шигшээ багийн тамирчид энэ сарын 21-22-ны өдрүүдэд ОХУ-н нийслэл Москва хотод зохиогдсон “РОССИЯ ТУР МОСКВА СУПЕР ФИНАЛ-2024” тэмцээнд амжилттай оролцсон байна. Тус тэмцээнд ОХУ, Монгол, Азербайжан, Казахстан, Беларусь, Куба, Бразил, Грек, Узбекистан, Кипр, Иран, Киргизстан, Молдав, Румын зэрэг улсын тамирчид өрсөлдсөн аж. Тэмцээний эхний өдөр эрэгтэйчүүдийн 60 кг-ын жинд ОУХМ Б.Сүхбат алтан медаль, ОУХМ Э.Ариунболд хүрэл медаль 73 кг-д ОУХМ Б.Эрдэнэбаяр хүрэл медаль хүртсэн.

    Харин эмэгтэйчүүдийн 48 кг-ын жинд  ОУХМ Ж.Анударь хүрэл медаль, 52 кг-д М.Нандин-Эрдэнэ хүрэл медаль, 57 кг-д ОУХМ Л.Сосорбарам жин өгсөн барилдаж алтан медаль,  +78 кг ОУХМ А.Адьяасүрэн хүрэл медаль хүртжээ. Манай тамирчид энэ удаагийн тэмцээнээс хоёр алт, таван хүрэл медаль хүртсэн амжилттайгаар өндөрлүүлсэн байна.