Унгар Улсын нийслэл Будапешт хотноо энэ сарын 10-15-ны өдрүүдэд  25 метрийн бассейны дэлхийн аварга шалгаруулах тэмцээнд болж байна. Энэ удаагийн ДАШТ-д 194 орны 1000 орчим шилдэг тамирчид хуран цуглаад байгаа юм.

     Тус тэмцээнд Монгол Улсыг төлөөлөн ОУХМ Энх-Амгалангийн Ариунтамир араар даллах сэлэлтийн 100 м, 200 м зайд, ОУХМ Батбаярын Энхтамир өврөөр даллах сэлэлийн 100 м, 200 м-ийн зайд, спортын мастер Батсаналын Марал өврөөр даллах сэлэлтийн 50 м, 100 м-ийн зайд, спортын мастер Ганзоригтын Сугар мэлхий сэлэлтийн 50 м, 100 м зайд тус тус өрсөлдөж эхэллээ.

    Багийн тамирчдыг Шигшээ багийн Ахлах дасгалжуулагч Х.Батболд, дасгалжуулагч Ц. Баяраа, Э.Дэмүүл нар дасгалжуулж байгаа юм. Мөн холбооны шүүгчдийн зөвлөлийн гишүүн Ц.Мөнгөнсор дэлхий аварга шалгаруулах тэмцээний шүүлтийн үйл ажиллагаатай танилцаж, туршлага судлахаар багийн бүрэлдэхүүнд орон ажиллаж байна.