Өсвөр үеийн дэлхийн аварга, 17 настай, 2-р дунд сургуулийн сурагч Тэрбишийн .Ариунзаяа “Токио-2024” их дуулга тэмцээнээс хүрэл медаль хүртлээ. Жүдо бөхийн “Гүрү Дожо” клубийн тамирчин Т.Ариунзаяа 57 кг-ын жинд барилдсан. Тэрбээр эхний тойрогт залуучуудын Азийн аваргын хүрэл мeдальт Казахстан Улсын Дана Абдироваг, хоёрдугаар тойрогт 2024 оны “Абу Дабигийн их дуулга” тэмцээний мөнгөн медальт Зуeва Иринаг тус тус ялсан. Улмаар “В” хэсгийн аваргын төлөө барилдах эрхтэй болсон ба эзэн орны тамирчин Фүчида Мэгүмид үнэлгээ алдаагүй ч торгуулиар ялагдсан юм.

       Т.Ариунзаяа дагах тойргийн барилдаанд 2023 оны “Токиогийн их дуулга” тэмцээний мөнгөн медальт Бразил Улсын Жeссика Лимаг ялж, хүрэл медалийн төлөө барилдах эрхтэй болсон.  Хүрэл медалийн төлөө ДАШТ-ий мөнгө, хүрэл медальт, Азийн наадмын алт, мөнгөн медальт Япон Улсын тамирчин Момо Тамаокиг нэмэлт цагт базари үнэлгээгээр ялж “Токио-2024” их дуулга тэмцээнээс хүрэл медаль хүртэж насанд хүрэгчдийн гранд слам ангиллаас анхны мeдалиа зүүж байна.