Азийн олимпын зөвлөлөөс дасгалжуулагч, шүүгчдийн спортод оруулж буй хувь нэмрийг үнэлэх, ур чадвар, хүний нөөцийг нэмэгдүүлэх зорилгоор хөгжлийн хөтөлбөр хэрэгжүүлж байна. Хөтөлбөрийн хүрээнд энэ сарын 25-аас ирэх сарын 1-ний өдрүүдэд Малайзын Куала Лумпур хотноо сургалт семинар зохиогдох бөгөөд уг сургалтад манай улсаас дөрвөн спортын төрлийн найман шүүгч, дасгалжуулагч хамрагдах юм.

           ОУОХ-ны гишүүн, МҮОХ-ны ерөнхийлөгч, Б.Баттүшиг, ерөнхий нарийн бичгийн дарга Э.Бадар-Ууган нар хөтөлбөрт хамрагдах шүүгч, дасгалжуулагчдыг уОлимпик хаус”-т хүлээн авч амжилт хүслээ. Уулзалтаар МҮОХ-ны ерөнхийлөгч, Б.Баттүшиг шүүгч, дасгалжуулагчдаа дэмжин ажиллах онцолж, спортын барилга байгууламжийг нэмэгдүүлэх чиглэлээр холбоодтой хамтран ажиллахаа илэрхийлэв.

       Хөтөлбөрт хамрагдаж буй шүүгч, дасгалжуулагчид байт харвааны Б.Баасанжаргал, О.Огторгуй, ширээний теннисний Р.Цогзолмаа, Т.Энхтөр бадминтоны Э.Эрдэнэбаяр, У.Дэлгэрмаа, усан спортын Д.Тэмүүлэн, Э.Хулан нар байв.