Жүдо бөхийн Ази тивийн өсвөр үеийн аварга Айлтгүйбаатарын Дуламсүрэн 2016 оны энэ өдөр Арханхангай аймгийн Батцэнгэл суманд мэндэлжээ. Тэрбээр  жаахан байх даа л ах нарынхаа барилдаж байгааг  хардаг байж. Тэр цаг үеэс хойш бөхийн спортод дур сонирхолтой болсон гэнэ билээ. Улаанбаатар хотод 13 настайдаа иржээ. Жүдо бөхөөр хичээллээд хоёр жил болж байгаа. МУГТ, МУГД,  самбо бөхийн дэлхийн аварга, жүдо бөхийн ДАШТ-ий хүрэл медальт Хишигбатын  Эрднэт-Од багшийн удирдлага доор бэлтгэл сургуулилалтаа хийдэг.

         А.Дуламсүрэнгийнх бөхийн удамтай юм билээ.  Түүний авга ах нар нь гэвэл Монгол Улсын гавьяат тамирчин, “Рио-2016” олимпын тавдугаар байрын шагналт, жүдо бөхийн ДАШТ-ий хүрэл медальт, улсын начин Лхагвасүрэнгийн Отгонбаатар. Мөн Монгол Улсын начин Шинэбаатар, аймгийн арслан Үйтүмэн нар юм. А. Дуламсүрэн 2023 онд Узбекистан Улсын нийслэл Ташкент хотод жүдо бөхийн өсвөр үе, залуучуудын Ази тивийн аварга шалгаруулах тэмцээний охидын 70 кг-ын жинд  алтан медалийн төлөөх барилдаанд Казахстан Улсын бөх Анисиа Ибатоллаг даралтаар цэвэр ялж, Ази тивийн аварга болж байлаа. Тэрбээр мөн 2023 онд Хонконг, Макаод болсон жүдо бөхийн өсвөр үе, залуучуудын Ази тивийн цомын тэмцээнд түрүүлж байсан юм.