Бразил Улсын Флорианаполис хотноо өсвөр үеийн шатарчдын ахлах насны дэлхийн аварга шалгаруулах тэмцээн болж байна. Тус тэмцээнд 62 орны 520 гаруй шатарчин оюун ухаанаа сорьж байгаа юм. Манай улсаас таван тамирчин өрсөлдөж байгаа.

     Хөвгүүдийн 14 насны ангилалд “ФИДЕ” мастер Г.Тэнгүүндалай, Б.Сэргэлэн, охидын 14 насанд кандитат мастер Г.Урангоо, хөвгүүдийн 16 насны ангилалд “ФИДЕ” мастер Б.Ананд, охидын 18 насанд кандитат мастер М.Маргад нар дасгалжуулагч Ц.Батсайханы удирдлагад эх орноо төлөөлөн оролцож байна.

     Шатарчид 11 өрөг тоглох бөгөөд эхний гурван өргийн дараа Г.Тэнгүүндалай 1.5, Б.Сэргэлэн 1.0,  Г.Урангоо 2.5, Б.Ананд 3.0, М.Маргад 2.0 оноотой явна. Тэмцээн энэ сарын 9-ний өдөр өндөрлөж, медальтнууд тодрох ажээ.