• Өнөөдөр 2025-06-05

С.Цэрэнчимэд дэлхийд аваргын алтан медалийн төлөө барилдана

2024-10-30,   238

       Олимпын бус жингийн дэлхийн аварга шалгаруулах тэмцээн Албани Улсын Тирана хотноо энэ сарын 28-31-ний өдрүүдэд болж өндөрлөнө. Монгол Улсаа төлөөлөн өрсөлдсөн тамирчдаас эмэгтэйчүүдийн 59 кг-ын жинд өрсөлдсөн "Ташкент-2014” дэлхийн аварга шалгаруулах тэмцээний алт, “Ласвегас-2015” дэлхийн аварга шалгаруулах тэмцээний мөнгөн медальт, Үндэсний шигшээ баг “Алдар” спорт хорооны тамирчин, МУГТ Сүхээгийн Цэрэнчимэд финалдлаа.

      Манай тамирчин эхний тойрогт Мексикийн Ревера Арриагаг 10:0-ээр,  Канадын Борегар Лоренсийг 8:8-аар ялж, наймны нэгд Азербайжаны Алена Колесникийг 9:0-ийн харьцаатай ялсан байна. Улмаар дөрөвний нэгд үлдэх  шигшээ барилдаанд Энэтхэгийн Манси Мансиг 4:1-ийн харьцаатай буулган авч дэлхийн аварга шалгаруулах тэмцээнд арван жилийн дараа дахин финалдлаа.

     Тэрбээр аваргын алтан медалийн төлөө Японы олимп, дэлхийн аварга Рисока Кавайтай барилдана. Одоогоос 10 жилийн өмнө “Лас-Вегас-2015” дэлхийн аварга шалгаруулах тэмцээнд С.Батцэцэг гавьяат 62 кг-ын жинд Кавайтай финалдаж ялж дэлхийн хошой аварга болж байлаа.


 

 


С.Цэрэнчимэд дэлхийд аваргын алтан медалийн төлөө барилдана
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.