Монголын үндэсний олимпын хорооны “Алтан-Очир” шагналаар спортын зүтгэлтэн Л.Энхтөрийг шагналаа. Түүний хувьд 1990 оноос олимпын хөдөлгөөнийг сурталчлан спортын мэдээ, үгийн сүлжээ нийтлүүлж улмаар 1991 оны арваннэгдүгээр сараас Монголын анхны спортын “Спорт Таймс” сонин эрхлэн гаргаж байв.

    Мөн 1996-2000 онд Монголын боксын холбооны дэд ерөнхийлөгчөөр ажиллаж гадаад, дотоодын уралдаан тэмцээн зохион байгуулахад санхүүгийн дэмжлэг туслалцаа үзүүлж, ивээн тэтгэж байсан бол 1998 онд Монголын автомашин, мотоциклийн холбооны улсын аварга шалгаруулах тэмцээн анх удаа ралли хэлбэрээр орон нутагт Сэлэнгэ аймагт болоход гар бие оролцон зохион байгуулалцаж 2015,2016,2017,2018 оны Мотокроссын УАШТ-ний ерөнхий ивээн тэтгэгчээр ажилласан.

    Тэрбээр тус аймагт Хөл бөмбөгийн холбооны ажлыг дэмжиж клуб байгуулах, хөл бөмбөгийн талбай байгуулах 2 ажлаар харилцан ойлголцож хамтран ажиллах санамж бичиг байгуулж одоогоор 80 хувийг гүйцэтгэлтэй ажиллаж байгаа байна.