Катар Улсын нийслэл Доха хотод хятад пүүл биллиард (Heyball)-ын Ази тивийн аварга шалгаруулах тэмцээн аравдугаар сарын 19-22-ны өдрүүдэд болов. Тэмцээнд манай улсаас Э.Тэмүүжин, Б.Нарантуяа, Б.Баттуяа, Э.Ариунцэцэг нар өрсөлдсөнөөс Э.Тэмүүжин алтан медаль хүртэж, Монгол Улсаас биллиардын спортын анхны Ази тивийн аварга боллоо.

    Э.Тэмүүжин өмнө нь Америк пүүл биллиардын өсвөр үеийнхний ДАШТ-ээс хошой мөнгөн (2016, 2017 онд) медаль хүртэж байв.  2024 оны снукер биллиардын УАШТ-ээс алтан медаль хүртсэн тамирчин юм. Катарын Дохо хотод тус тэмцээний араас аравдугаар сарын 23-26-ны өдрүүдэд Катарын нээлттэй тэмцээн болох бол аравдугаар сарын 28-аас арваннэгдүгээр сарын 9-ний өдрүүдэд снукер биллиардын 15 улааны дэлхийн аварга шалгаруулах тэмцээн болох юм.